SHPËRNDAJE

Patatet e skuqura, mund të jenë shumë të shijshme, por, sipas një studimi të fundit, ato mund të jenë po aq të rrezikshme dhe vdekjeprurëse.

Hulumtuesit thonë njerëzit që konsumonin patate të skuqura më shumë se dy herë për një javë, dyfishonin rrezikun e vdekjes, transmeton Klan Kosova.

Megjithatë, ky studim nuk dëshmon se të hahet patate të skuqura, vret njerëzit, ai në fakt tregon vetëm se njerëzit që vdiqën gjatë këtij studimi, kishin ngrënë më tepër patate të skuqura rregullisht.

Për të kryer studimin, hulumtuesit zbuluan zakonet e ngrënies së 4,440 njerëzve të moshës 45-79 vjeç për tetë vjet.

Sasia e patateve që hanin (të dyja të skuqura dhe të pjekura) u analizua duke kërkuar nga ata që të plotësonin një pyetësor ushqimor me frekuencë.

Pyetësori pyeti nëse pjesëmarrësi kishte ngrënë patate të skuqura më pak se një herë në muaj, dy ose tre herë në muaj, një herë në javë, dy herë në javë ose më shumë se tri herë në javë.

Nga 4,440 njerëz që morën pjesë në studim, 236 pjesëmarrës vdiqën nga fundi i ndjekjes tetëvjeçare.

Studiuesit nuk gjetën lidhje midis njerëzve që hëngrën patate të pjekura dhe vdekjes, por gjetën një lidhje midis konsumit të shpeshtë të patateve të skuqura dhe rritjes së rrezikut të vdekjes.