SHPËRNDAJE
Pagesa e energjisë elektrike nga ana e qytetarëve, për pjesën e Veriut të Mitrovicës po konsiderohet si diskriminuese.

I ftuar në emisionin e mëngjesit në RTK, ishte Avokati i Popullit, Hilmi Jashari i cili tha se për këtë problem ka qenë në dijeni Autoriteti Rregullativ, madje në vitin 2012 kanë nënshkruar marrëveshje që qytetarët të dëmtohen në këtë drejtim.

Ai tha se çdo vit qytetarët e vendit kanë pagur 8 milionë euro për energjinë e shpenzuar në veri, por nga viti 2012 del se KEK ka përfituar 40 milionë euro. Pra kjo i bie që qytetarët janë dëmtuar dhe janë faturuar më shumë se që kanë shpenzuar.

Jashari tha se kanë kërkuar kompenzim për këtë çështje që tu kthehet kompenzimi dhe këtë ai tha se duhet bërë me anë të gjykatave. Sipas tij qytetarët nuk kanë arritur ta kuptojnë asnjëherë këtë faturim nga ana e KEDS-it.

Sipas tij, për këtë çështje janë shkelur disa ligje të vendit për të cilat ai tha se Avokati i popullit ka dhënë llogari.

Jashari gjithashtu tregoi edhe për një konferencë për të drejtat e njeriut që ështëmbajtur në Slloveni, ku pjesëmarrëse ishte edhe Kosova e që u diskutuar edhe për çështje ambientale.

Ai tha se është nënshkruar edhe një deklaratë nga të gjitha vendet pjesëmarrëse për bashkëpunim.