SHPËRNDAJE
Objekti i Komunës së Deçanit qysh nga e mërkura ka mbetur pa energji elektrike, duke vëshitrësuar kështu punën e administratës, pikërisht në kohën kur fluksi shtohet për shkak të mërgimtarëve.

Arsye e mungesës së rrymës është një prishje e një kaublle nëntokësore, ka thënë për Klan Kosovën, nënkryetari i Komunës së Deçanit, Sami Cacaj.

Cacaj ka treguar se disa herë ka kërkuar nga KEDS-i që ta rregulojë problemin, por ende askush nuk ka shkuar të merret me atë punë.

“Ka një defekt nëntokësor sipas punëtorëve KEDS. E kemi lajmëruar pardje. Por deri tash nuk ka ardhur askush. Ilir Ibërhysaj përgjegjës i KEDS për Dukagjin ka premtuar disa herë se problemi do të rregullohet, por deri sot nuk ka pasur kurrfarë veprimi”, ka deklaruar Cacaj.

Klani ka kontaktuar me zëdhënësin e KEDS-it, Viktor Buzhalen, i cili pohoi se janë lajmëruar vetëm dje, e enjte, për problemin dhe se sot do ta rregullojnë.

Sipas Buzhalës, kabulla i takon komunës ndaj s’kanë mundur ta dinë për defektin, para se të lajmëroheshin.

Në ndërkohë, derisa sa të sanohet problemi, komuna po operon me një gjenerator.