SHPËRNDAJE

Për “një fije floku” është shmangur një tragjedi në një autostradë në Itali, në afërsi të Bordiger dhe Sanremos. Një shofer i dehur rumun që ishte prapa timonit të një kamioni, për më shumë se tre kilometra kishte vozitur në korsinë e kundërt dhe për fat të mirë askush nuk e ka pësuar me jetë.

Ai kishte vozitur “zig-zag” duke shmangur përplasjet e drejtpërdrejta me veturat që po vinin nga ana e kundërt. Ai po lëvizte në drejtim të Genoas, kur vendosi të ndalet për një pauzë disa minutëshe. E kur sërish u rikthye në kamion u fut në drejtimin e kundërt, shoferë të shumtë ia bënin me drita për t’i treguar se po bënte gabim shumë të madh, transmeton Telegrafi.

Megjithatë ai arriti të ndalet dhe ta rikthej kamionin, por aty hasi në patrullën e policisë. E pasi që i është nënshtruar tetit të alkoolit, është konstatuar se kishte përqindje të madhe të alkoolit në gjak, me ç’rast i është konfiskuar kamioni dhe është detyruar të paguaj gjobën prej 6,500 euro.