SHPËRNDAJE

Kryetari i SDS Sllavisha Petkoviq vlerëson se vizita e Albin Kurtit dhe Vjosa Osmanit në veri të Mitrovicës është rezultat i një marrëveshje të nënshkruar në Bruksel nga Presidenti serb Aleksandar Vuçiq.

“Kjo marrëveshje mundësoi krijimin e zyrës së prokurorit, gjykatave, por edhe integrimin në policinë e Kosovës në veri të Kosovës.”

“Gjithashtu vlen të përmendet marrëveshja e arritur në Bruksel në të cilën Presidenti serb Aleksandar Vuçiq ra dakord që veriu të përfshihet në sistemin ligjor të Kosovës për sa i përket mbajtjes së zgjedhjeve lokale dhe parlamentare. Prandaj, tani është e qartë për të gjithë ata që miratuan që politikanët shqiptarë parakalojnë rehat dhe lirshëm në veri të Kosovës”, tha Sllavisha Petkoviq.

Albin Kurti dhe Vjosa Osmani vizituan dje minierën “Trepça” në veri. Mediat nga Prishtina raportojnë se vizita në Veri të Kosovës u ndërpre pas një reagimi të fuqishëm të serbëve lokal.