SHPËRNDAJE

Kjo lëvizje, siç thekson “Sputnik”, agjenci ruse e afërt me regjimin e Vladimir Putin, shkruan se i është ofruar autoriteteve politike kosovare nga bashkësia ndërkombëtare, si mundësi për zgjidhjen e krizës politike në Kosovë, transmeton Insajderi.

Siç shkruan ky medium, Ramush Hardinaj është nën presionin e bashkësisë ndërkombëtare për të pranuar propozimin që Mimoza Kusari-Lila të jetë kryeministre e re e vendit, ndërsa ai do të jetë zëvendëskryeministri i parë.

“Sputnik” raporton se Pacolli dhe Ilir Deda, të cilët u ndanë nga koalicioni me LDK-në e Isa Mustafës, premtuan mbështetjen e gjashtë deputetëve të tyre (katër nga AKR-ja dhe dy nga Alternativa) që koalicioni PAN të jetë në gjendje të formojë qeverinë e re.

Në këtë skenar, Behgjet Pacolli do të merrte edhe detyrën e zëvendëskryeministrit të qeverisë së Kosovës, por edhe të Ministrisë së Punëve të Jashtme.

Lajmi është përhapur në shumicën e medieve serbe.