SHPËRNDAJE

Hudhrat janë një ndër perimet më të rëndësishme, të pasura me vlera ushqyese dhe veti kurative. Hudhra ka aftësinë të aktivizojë gjendrat e pështymës dhe lëngjet ndihmëse të tretjes. Përtej faktit se aroma e saj për shumë njerëz është e pakëndshme, dobitë e saj janë shumë herë më të mëdha.

Është një burim i pasur me organosulfur, që parandalon dhe lufton sëmundjet kronike, të tilla si kanceri apo sëmundjet kardiovaskulare. Kur hudhra shtypet ose copëtohet, çlirohet një enzimë e quajtur allicin. Kjo krijon më tej acidet sulfenike. Kur acidet sulfenike reagojnë me njëri-tjetrin te hudhra, ata formojnë allicin dhe ndodh pikërisht kur ndjeni një aromë të fortë të hudhrës në kuzhinën tuaj.

Hudhra është një ilaç i fuqishëm natyral që ka aftësinë të përmirësojë shëndetin kardiovaskular, të reduktojë inflamacionin, të përforcojë sistemin imunitar dhe të luftojë kancerin. Kur kombinoni hudhrat me mjaltë, merrni si rezultat një përzierje shumë të fuqishme, që trajton shumë sëmundje.

Përbërësit:
1 bohçe hudhër
Mjaltë
1 degë e vogël trumzë
3-6 degë të vogla rozmarinë

Udhëzime:
Qëroni thelpinjtë e hudhrës. Hidhini në një kavanoz dhe shtoni mbi to mjaltë derisa t’i mbuloni. Lini një hapësirë prej 3 cm të kavanozit, sepse gjatë prcesit të fermentimit, mjalti mund të flluskojë. Hidhni edhe trumzën dhe rozmarinën dhe mbylleni kavanozin me kapak. Vendoseni në një dollap për 3-5 ditë. Pas kësaj vendoseni në frigorifer dhe ruajeni aty. Konsumoni 1-2 thelpinj hudhër në ditë, sipas nevojës.